Nesta edición, dadas as circunstancias da crise COVID-19, e como novidade, presentamos unha serie de proxeccións nunha gran pantalla situada no paseo central da Alameda, onde algunhas das compañías internacionais que non puideron acompañarnos deleitarannos cos seus espectáculos.
Nome da compañía: El Chonchón
Idades recomendadas: todos os públicos
Duración: 35 minutos
Técnica: luvas
Idioma: castelán
Sinopse
Homenaxe aos cómicos do cinema mudo. Personificados por monicreques de luva, Charles Chaplin, Buster Keaton, Harold Lloys, Ben Turpin, Laurel e Hardy son algúns dos que aparecen facendo das súas nas distintas pantomimas que integran o espectáculo. “A viaxe” conta as peripecias que o Gordo e o Fraco teñen co seu vello pero querido automóbil.
“Carlitos pescador” móstranos como Chaplin arrisca a súa vida por salvar a un rapaz. En “Un día tempestuoso”, Buster Keaton é sorprendido polo mal tempo e loita contra os elementos ata perder as pernas e a cabeza; pola súa banda, Harold Lloys espera “desesperadamente” nun banco da praza a que veña a súa noiva, mentres que Ben Turpin déixase embriagar pola noite baixo un farol.
Ligazón de vídeo: https://www.youtube.com/watch?v=zEDvufqNsMU&feature=emb_logo
