XV Festival Internacional de Títeres Galicreques

Nome da compañía: Títeres Cachirulo
Idades recomendadas: a partir de 9 anos
Duración: 72 minutos
Técnica: actores e marionetas
Idioma: galego

Sinopse
Bala Perdida é un pirata, unha lenda, un corsario da vida, un ser bondadoso e rosmón, un valente e un xusticeiro, un Robin Hood, un John Silver, un capitán Kidd, un filibusteiro atlántico que non habita na illa da Tartaruga senón entre as néboas dun océano ignoto, misterioso e milenario. Ao seu carón, a súa mariñeiría: homes curtidos nos mares, entre treboadas e naufraxios, todos membros da Irmandade da Costa, e xunto deles e do seu espírito aventureiro, un tesouro que queima nas mans.