Espectáculos
Espectáculos de títeres en Galicreques
Alicia en el país de las maravillas
Alicia, aburrida de estudar, queda durmida. No seu sono aparecerá o señor Coello Branco, que chega tarde ao partido de fútbol no xardín da Raíña de Corazóns. Alicia vese envolvida nunha tola persecución ao longo da cal encontrará distintos e simpáticos personaxes que a enfrontarán a divertidas e tolas situacións.
Bom Borom Bom Bom!
Esta é a historia dos habitantes dun parque, nun pobo, que pode ser o teu ou o meu, e aparecen xentes estrañas que queren apoderarse do lugar para instalar os seus negocios. Cousa que non lles será tan doada…
As, os, @s
Dúas historias cheas de poesía e bo humor enlazadas pola danza das letras.
Lilith é unha cucuyé e como tal debe ter a pel suave e rosa. Pero a ela entristécelle estar encerrada nun xardín e comer só flores de sabor nada agradable mentres os cucuyés corren polo bosque, nadan no río e comen os froitos das árbores. Pasarán moitas cousas ata que Lilith tome unha importante decisión.
Arón quere ser bailarín. A súa nai apóialle, pero non ten o beneplácito do seu pai, que quere que se dedique a outras cousas. Os seus amigos tampouco o poñen doado. No pobo celébrase unha mostra de habilidades que dará un xiro á situación.
El Pirata Barba y la isla del ¿Tesoro?
Dende hai moito tempo o señor de Mirabet e o Pirata Barba están enfrontados polo mapa dun suposto tesouro. O señor de Mirabet cre ter conseguido o mapa, pero en realidade foi Pit, un neno criado por todos e por el mesmo. Xuntos emprenden a viaxe a polo tesouro que está nas Illas Columbretes, base estratéxica do Pirata Barba.
Paga a pena loitar por un tesouro? Que tesouro? Pit fai e desfai e o señor de Mirabet quere levarse a gloria. Ás veces a inocencia é unha arma moi poderosa.
Contos dende a Xanela
“Contos dende A Xanela” é un espectáculo no que os contos tradicionais galegos cobran vida a través dos títeres e son cantados e contados para que os máis cativos pasen un bo momento aprendendo, escoitando e cantando connosco.
La Celestina
Celestina é unha xograresa que presenta a “Traxicomedia de Calisto e Melibea”. Xoga con monicreques e máscaras, para representar os amos e os criados, aos personaxes da clase alta e a baixa, manexados, manipulados por ela, por esa vella, alcaiota e feiticeira.
Celestina quere contar o que viu ao longo da súa vida acerca do amor, non só o que outros dixeron, senón aquilo que ela coñece por experiencia.
A rúa das pantasmas
Nesta aventura o valente Xoanciño e a espelida María enfróntanse ás pantasmas e ó mesmísimo Demo. Ocorre que a casa de María está sendo visitada por estas tenebrosas figuras e só co enxeño de María, unido ás picardías de Xoanciño, lograrán vencelas e desenmascaralas.
El caballero sin caballo
Hai moito tempo, nunha época máxica chea de misteriosos seres e castelos encantados, un trobador cantou esta historia “O Cabaleiro sen Cabalo”. Este singular personaxe, no seu errante camiño, viviu fantásticas aventuras e o seu sono máis prezado, rescatou unha bela princesa das poutas sinistras do malvado Bruxo. Unha historia de acción e disparates en tempos medievais.
Monsters Show
Este é un espectáculo de extravagantes e excéntricos fenómenos de feira. Unha proposta escénica que reúne e combina en clave de humor as linguaxes escénicas na rúa con dinamismo atractivo para todos os públicos.
Un fantástico cabaré de esperanzas, desexos, anhelos, medos, de felicidade e desdita. Unha troupe de estrañas criaturas estimulantes e dementes. Unha pantomima de humor, horror e amor… sobrenatural.
Do, re, mi, Mozart xoga aquí
Espectáculo de marionetas de fío talladas en madeira, que locen os seus elegantes movementos nun retablo barroco. Unha invitación do emperador convoca ao neno Mozart a tocar en Palacio. Isto esperta a envexa e desconfianza do mestre de cámara que intentará impedir a celebración do concerto. Pero este neno, vivaz e alegre, o seduce coa súa xenialidade musical, incorporada nos seus xogos e quefaceres cotiáns.
