O Tesouro da nosa vila
Proxecto financiado pola Deputación da Coruña, dentro do programa de subvencións para a produción de Proxectos Singulares de especial interese cultural na provincia da Coruña 2022.
OBXECTIVOS:
Recuperación do espazo de convivencia que albergan as historias, lendas e contos das nosas vilas da Coruña.
A recuperación do espazo máxico e fabuloso pero tamén do lugar físico, dende as fontes, rochas, penedos, soutos, ata os lugares onde viviron persoas que levaron a cabo unha actividade relevante para a comunidade.
ETAPAS:
1.-Traballo de campo: recompilación de historias, testemuñas da veciñanza
2.-Obradoiros de construción de personaxes e guión da obra a representar
3.-Representación da historia local. “O Tesouro da nosa vila”
1.-Onde se agachan os tesouros escondidos da provincia da Coruña, recoller os relatos da veciñanza. Onde xogaban de pequenos. Que lugares máxicos lembran. Que veciñas e veciños tocaban algún instrumento-Bailes-Cancións, coplas, algunha experiencia teatral. Os veciños que emigraron, onde se dirixían, referencias a América, Europa, outros lugares, noticias, cartas. As casas que ficaron abandonadas. Quen moraba nelas. Instrumentos musicais e xogos que se perderon ou que foron por algún motivo especiais, as anécdotas máis curiosas, os chistes e contos, as palabras e frases esquecidas para recuperalas na nosa fala cotiá (recuperación da lingua galega), como eran eses xogos, entretementos, momentos especiais… rescatando o pasado en relación co que pasa na actualidade.
2.-Obradoiro de construción dun relato sobre a vila, cos elementos que nos aportaron os maiores, engadindo as historias da xente moza e das nenas e nenos do lugar. Construción dos personaxes e dos elementos escenográficos.
3.-Con todo o recollido se representará unha obra única que represente unha mirada sobre o pasado do lugar e un desexo de proxección de futuro. Unha mirada sobre o que pasou, sobre a actualidade da vila e sobre como podería ser o seu futuro.
……………………………………………………………………………………………………………
0 Comentarios