Espectáculos
Do, re, mi, Mozart xoga aquí
Espectáculo de marionetas de fío talladas en madeira, que locen os seus elegantes movementos nun retablo barroco. Unha invitación do emperador convoca ao neno Mozart a tocar en Palacio. Isto esperta a envexa e desconfianza do mestre de cámara que intentará impedir a celebración do concerto. Pero este neno, vivaz e alegre, o seduce coa súa xenialidade musical, incorporada nos seus xogos e quefaceres cotiáns.
O entroido dos animais
Divertida comedia musical inspirada na obra Le carnaval des animaux de Camille Saint-Saëns, onde veremos desde os animais de curral aos felinos, pasando polos seres acuáticos e os voadores.
Toda a fauna do mundo reunida nunha disparatada comedia onde cada un vaise disfrazar doutro animal. E así veremos ao león convertido en burro e ao cisne, nun elefante.
O libro da selva
Na espesura da selva, o malvado tigre Sherekan ataca a aldea dos homes. Mowgli, un rapaciño escorregadizo, escapa das poutas do tigre e busca refuxio na cova dos lobos, que pasarán a se converter na súa nova familia, coa que vivirá divertidas experiencias até que se teña que enfrontar, cara a cara, a Sherekan.
Alicia no país das marabillas
Fantástica recreación para marionetas baseada no relato de Lewis Carrol “Alice in Wonderland”.
Conducidos polo coello branco, seguiremos con expectación as aventuras da pequena Alicia nese mundo onírico e fantástico que late debaixo da terra.
¡¡Olé, olé!!
Espectáculo cómico-musical de varietés baseado no folklore andaluz no que, da man de diferentes tipos de marionetas, asistimos a unha praza de touros e a un taboado flamenco, acompañados por turistas xaponeses.
Cu-cú, Tas-tás
ESPECTÁCULO PARA BEBÉS (de 6 meses a 5 anos)
Cu-cú, tas-tás, co revés imos xogar. Conceptos sinxelos de opostos.
Espectáculo visual e musical que intenta potenciar a capacidade de atención dos máis pequenos da casa.
Cucú Tastás é un trasniño que quere facer as cousas ben e non confundir cheo-baleiro, arriba-abaixo, preto-lonxe, pequeno-grande…
E a súa familia e amigos van axudalo a aprender.
Pinocho
Espectáculo infantil de títeres baseado no conto de Carlo Collodi Le aventure di Pinocchio. O famoso boneco construído por Geppeto vive as máis incribles aventuras para chegar a ser un neno de verdade, feito e dereito.
Catro contos da China
Insólitas aventuras que nos descobren un cómico e divertido mundo, agochado moi preto de nós e cheo de inquedantes situacións. A natureza, a amizade, os disparates humanos… Aprendizaxes e xogos realizados coa maxia do títere chinés.
A guerra das Galicsias
Unha divertida aventura interplanetaria do século XXI inspirada nas aventuras galácticas do século XX e nas tradicións máxicas, astrolóxicas, culturais e gastronómicas da nosa terra.
Marticia, atópase en alerta. As súas augas foron contaminadas cunha estraña sustancia que provoca os máis insólitos efectos nos seus habitantes. Detrás de estes sucesos atópase o malvado emperador de Omega, planeando unha invasión que só o amor e un pouco de maxia, ó seu debido tempo, poden impedir.
Xeado de lúa
Unha noite de lúa chea,
cando un feixe de estreliñas bailaban a muñeira,
un rato moi pequeno e distraído,
ollando a lúa quedou durmido.
O señor gato contemplaba
o mesmo redondo prato
e como este suxería comida,
mirou para o rato con moita alegría.
