Festival Internacional de Títeres*do 3 ao 9 de Outubro
compañías / el abrojito
| compañía | el abrojito (arxentina) |
| obra | trapitos y señales |
| técnica | luvas, variñas e boca |
| idade recomendada | infantil |
Este espectáculo consta de dúas historias curtas, que teñen como lema central o valor da solidariedade, o disfrute de compartir, a protección do ben común e a beleza da amizade:
"Las flores de Clarita", unha historia de enredos e picardías que crea a meiga Aurelia no xardín de Clarita. Por sorte, a nena ten ó seu querido e mimoso can guardián "Tuco", que a axuda a resolver o misterio das flores que se murchan.
"El gato Murrún", o gato Murrún atopa un cómodo e cálido zapato para convertelo na súa casa, pero non esperaba que unha tenra plantiña tamén elixira ese zapato para vivir nel.
O "Pajarraco Paco" é o encargado de presentar
estas dúas historias especialmente pensadas para os máis pequenos, e que
tamén seducen ao público adulto pola súa tenrura e comicidade.