Espectáculos

Espectáculos de títeres en Galicreques

¡El patito feo!

ARTERIA NOROESTE
SÁBADO 1 de outubro 18:00. DOMINGO 2 de outubro 12:30. LUNS 3 de outubro 10:30.
“El Patito feo” é o quinto espectáculo da compañía A la Sombrita. Nel desenvólvense todos aqueles elementos que fan da mesma unha compañía máis que singular. A versión da obra de Hans Christian Andersen cóntanos a historia dun cisne que nace accidentalmente nun niño equivocado.
Dende o principio o parruliño “feo” é rexeitado pola sociedade da granxa pola súa condición de diferente. É inaceptable para os demais por ser, simplemente, distinto e vese obrigado ao exilio pola incomprensión, a crueldade da ignorancia e a maldade deliberada. Pero case sempre é peor permanecer no lugar que non nos corresponde que andar perdidos durante algún tempo.


Espectáculos | , ,

El lobo Rodrigo

ARTERIA NOROESTE
MÉRCORES 5 de outubro 10:30.
Unha versión distinta do tradicional conto de Carapuchiña Vermella. Os personaxes actúan en roles diferentes ao coñecido relato e iso trae consecuencias e situacións tanto inesperadas coma divertidas.
A través do relato comprobaremos que se pode cambiar a historia para vivir mellor cando temos a convicción e o desexo de facelo, con amor, comprensión e respecto polo outro, para mellorar a nosa realidade.


Espectáculos | , ,

El EnmaZcarado

TEATRO PRINCIPAL
LUNS 3 de outubro 11:30. DOMINGO 9 de outubro 20:30.
Un novo Comendador impón con rigor e desatino as súas ideas de dominación ao pobo monicrequeiro; pretende, literalmente, cambiar a cabeza dos monicreques por unha idéntica á súa.
O Enmazcarado regresa dunha longa viaxe e inmediatamente, xunto con María Monserrat, encabeza a resistencia contra os abusos do tirano.
O brandir das espadas, as persecucións dos lanceiros, insólitas acrobacias e a vocación de xustiza do Enmazcarado, que intentará que ningún monicreque quede sen cabeza, serán o pano de fondo para esta aventura titiriteira.


Espectáculos | , ,

Torta y Leche

JUAN CATALINA
PRAZA PRATERÍAS
VENRES 7 de outubro 19:00 h.
PRAZA ROXA
SÁBADO 8 de outubro 19:00 h.
Parte da nosa historia, contada de boca en boca nas prazas dos pobos, nas adegas e nas chemineas xunto ao lume, entre os ritmos do traballo e os tragos do descanso, no xogo dun neno e en consellos do avó.
Historias, cancións e contos, instrumentos, ferramentas e arreos, oficios e tradicións de antano, que procuraban, que non faltase en cada casa polo menos un pouco de torta e leite, que nos levan á nosa infancia, porta viva do recordo, da maxia e dos soños.


Espectáculos | , , ,

Juanito y los frijoles mágicos

TEATRO PRINCIPAL
MÉRCORES 5 de outubro ás 11:30.
Adaptación do conto clásico da literatura infantil dos irmáns Grimm.
A historia fala dun neno imaxinativo e soñador que se ve obrigado a vender a súa vaca. Non obstante, este cámbiaa por uns feixóns máxicos que lle levan ata a casa dun ogro, onde debe atravesar situacións cheas de humor e perigo. O conto posúe unha sentenza que permite ao pequeno espectador animarse a coñecer o mundo que o rodea tendo en conta os límites e perigos que hai nel.


Espectáculos | , ,

Nana Luna

TEATRO PRINCIPAL
VENRES 7 de outubro: 11:30.
Unha viaxe lunática – poética – musical
É o soño dun neno que…
Está na Lúa!
De 2 músicos e 1 actriz que…
Están na Lúa!

Unha linguaxe teatral chea de licenzas, arroupada polos acordes da guitarra e o ritmo da percusión, entre teas, instrumentos e marionetas todo transfórmase, recréase, fúndese en constante acción.
De canción en canción, a voz humana chega directamente ao corazón.
En escena o espectáculo créase tenro, desenfadado e cómico, onde nenos e adultos poden extraer distintas lecturas axeitadas a cada idade.


Espectáculos | , ,

El Señor del Mar

TEATRO PRINCIPAL
MARTES 4 de outubro 11:30. DOMINGO 9 de outubro 17:00.
O Señor do Mar, Quesmi, Sr. do pobo Spondylus, é traizoado por Quesque (o seu irmán), o mesmo que lle dá de beber a apócema do sono eterno para usurpar o poder e o amor da Sra.. Marea, Muller de Quesmi. Os deuses escoitan o clamor do pobo e envían á axudante araña para espertar ao Sr. Quesmi. Aquí comezan as aventuras do noso heroe…


Espectáculos | , ,

O Nariz, de Nikolay Gogol

TEATRO PRINCIPAL
MÉRCORES 5 de outubro 20:30.
O Maior Kovaliov descobre que o seu nariz desapareceu e vai a buscalo. Encontra ao seu propio nariz paseando cun uniforme bordado en ouro, de colo alto, pantalóns de baeta e unha espada. O Maior conversa indignado co seu impoñente e importante nariz, pero este asegura non o coñecer.


Espectáculos | , ,

ReCuerdos

ARTERIA NOROESTE
MARTES 4 de outubro 10:30.
TEATRO PRINCIPAL
XOVES 6 de outubro 20:30.
ReCuerdos é un espectáculo onde converxen catro historias diferentes que teñen como eixe as relacións humanas.
En “El negro contento”, monicreques e actor recrean un poema de Raúl G. Tuñón que ten como protagonistas a un Lustrabotas e a un Monicrequeiro. ” Padre hay uno sólo ” conta a historia dun fillo que desafía ao seu pai. En “Capricho” os personaxes sepáranse e únense por un antollo. Finalmente, en “Ramón”, inspirada en poemas de León Felipe e Juan R. Jiménez, un monicreque vive aferrado a un recordo.


Espectáculos | , , ,

Sopa

TEATRO PRINCIPAL
LUNS 3 de outubro 20:30. SÁBADO 8 de outubro 17:00.
A pregunta é: por que algúns homes deben someter aos demais facendo uso do poder que circunstancialmente posúen? Esa é a reflexión que formula “Sopa” a través de cinco historias: “El Propietario” de Roberto Espina, “Educación Inicial”, “Tango”, “Tentación” e “Carlitos”, estas últimas creadas pola propia compañía.
É un espectáculo que busca a reflexión do espectador sobre o futuro da humanidade.


Espectáculos | , ,

Página 1 de 212