Nome da compañía: Lafontana-Formas Animadas
Idades recomendadas: A partir de 6 anos
Duración: 60 minutos
Técnica: mixta
Idioma: portugués
Sinopse
Fernão Mendes Pinto relatou as “moitas e moi estrañas cousas que viu e oíu” nun libro ao que deu o nome de “Peregrinación”, publicado en 1614, trinta anos despois da súa morte. Trátase dunha obra que reúne varios xéneros literarios e que constitúe un precioso documento dunha época gloriosa da historia e un dos libros portugueses máis difundido no mundo.
Traducido agora na linguaxe teatral pola compañía Lafontana-Formas Animadas, a interpretación da Peregrinación vólvese máis sedutora aínda. Nun escenario transformado en estudo de cinema, as imaxes son recollidas por un sistema informático que promove o seu tratamento, montaxe, mestura, sonorización e inserción de efectos especiais, todo en tempo real. O resultado final proxéctase nunha pantalla.
Grazas á conxunción teatro-cinema, o maior anti-heroe da historia portuguesa do século XVI xorde aos nosos ollos cunha intemporalidade fabulosa.
