Compañía Plansjet (Bélxica)
O Premio Galicreques concédese a unha entidade ou persoa que destaque especialmente polo seu labor na creación, formación, difusión ou defensa do teatro de monicreques ou ben a unha compañía teatral en recoñecemento pola súa traxectoria no exercicio destas artes.
Este ano temos a ledicia de entregar o Premio Galicreques á compañía Plansjet. Sempre encheron as rúas da nosa cidade de alegría e fascinación. Moitos monicrequeiros e monicrequeiras de todas as partes do mundo tivemos o privilexio de asistir ás súas clases, tanto de talla de marionetas con Chris, coma de realización de vestiario con Mieke, ambos os dous excelentes mestres e xenerosísimos tanto nas súas ensinanzas coma na vida cotiá.
Moitas grazas, Plansjet, por achegarvos ás nosas vidas.
Galicreques.