XV Festival Internacional de Títeres Galicreques

Unha oferta laboral, una colocación de por vida para un emprendedor coas mellores condicións de traballo posibles. André, o Presidente, Propietario e Presentador do espectáculo, busca empregado. A quen non lle interesa?
Cromina, despois de ser pai, enfronta a súa natureza casual e festeira á responsabilidade e seriedade das circunstancias, a través de temas e personaxes clásicos como a Autoridade, a Paternidade, o Dragón e ata a Morte.

Un paquete moi especial chegou para contar unha historia de amor, unha historia de pobo, unha historia entre cartas.
Caminito entre cartas…, con ritmo de valseciño, fai un percorrido que nace coa entrega dun paquete, que leva dentro a historia de amor do carteiro Jorge e de María… e aquela transformación que sucedeu entre os habitantes do pobo.

Cinco pequenas obras mímicas. O soño; recolle as dificultades de Aníbal para conciliar o sono por culpa do “tic-tac” do reloxo, o zoar do mosquito… A goteira; parecía que todo estaba amañado, cando estaba a piques de conciliar o sono, de repente unha goteira comeza a súa rítmica melodía. Historia con flores; un neno traste dedícase a destruír as flores dun xardín, para evitalo será necesaria a intervención dun can gardián. O impo; dous amigos encóntranse despois de moito tempo. Ao darse unha aperta, a un empézalle un ataque de impo, así xuntos irán dando chimpos polo escenario. A obra que falta, a quinta, está intercalada entre as outras catro. Conta a historia das propias mans poñendo e quitando elementos escénicos, bailando, limpando… porque elas son realmente a alma dos monicreques.

Os monicreques toman o teatro! Con diferentes estilos, propostas e historias… Un cabaret onde os mundos da marioneta atópanse en mans de máis de dez artistas e cinco compañías de procedencias diversas, que nos levarán a este universo de fío, luva e madeira.

Xa está aquí o pequeno e magnífico mundo do Circo. Os personaxes mostran as súas habilidades baixo a manipulación ilusionada duns fíos que transmiten a esencia fundamental da propia vida.

A Galiña percorre as rúas regalándolle os seus famosos ovos ás nenas e nenos que se vai atopando. Un bufón malabarista, acompañado de tres músicos, tentará quitarlle os ovos para xogar con eles.

Recreación da historia de Brancaneves con teatro e marionetas de mesa talladas en madeira.
A historia desenvólvese ao redor dunha gran lareira na que un vello rei lembra as aventuras da súa pequena filla Brancaneves e os encontros que ela tivo cos misteriosos sete personaxes do bosque.