XV Festival Internacional de Títeres Galicreques

Dende o momento en que un bebé é xerado comeza unha gran viaxe: a vida. Dondo é o protagonista e verémolo crecer nalgúns dos momentos importantes de aprendizaxe e crecemento, o amor, os medos, a irmandade. O retablo xira e vaise transformando na barriga de mamá, o cuarto do bebé, os soños. Cunha variedade ecléctica de recursos artísticos. Con moita interacción co público, gozarano dende os nenos ata os adultos.

Podédesme dicir que tería que facer unha asustada galiña para esconderse de Dona Cobra? Non o sabedes? Menos mal que Ratorratón, o máis popular de todos os animais da granxa, ten unha desbordante imaxinación e unha irrefreable afección polos disfraces

Sapo e Sepo son amigos inseparables, non saben vivir o un sen o outro. Os dous xuntos saen de paseo, coidan o xardín, buscan botóns e viven emocionantes aventuras.
Pequena homenaxe ao Museo Abstracto de Cuenca, que no ano 2016 cumpre 50 anos, con ambientación e decorados en branco e negro, seguindo o estilo de Antonio Saura.

Dorian, un burro noviño que vive a vida cunha inmensa curiosidade e inocencia, pasta e corrica na súa pradaría xunto con toda a súa familia. Pep, un león que é cazado mentres durme e metido nunha gaiola de circo. Ningún dos dous imaxinou o que ía pasar. Un día chegaron os Humanos e aos Burros e ao León cambioulles a vida para sempre.
Entendernos os uns aos outros non é doado, pero podemos interpretar o mundo mirando máis alá do noso embigo.

Tres irmáns que xa están en idade de deixar o fogar familiar deciden buscar a súa propia sorte. Cada porquiño ten unha personalidade e isto reflíctese na forma na que deciden construír a súa nova casa, na que se protexerán do temible lobo feroz, ou non tan feroz?
Pallasos e marionetas contarannos esta clásica fábula acompañada de música e cancións.

Un monicrequeiro na rúa xoga cos seus monicreques e a súa música, contando divertidas historias e facendo participar ao público das súas loucuras.