XV Festival Internacional de Títeres Galicreques

Gale conducirá ás nenas e nenos a través da súa historia para que lle axuden a repartir ese gran tesouro que protexe con tanto mimo: palabras, expresións, dicires e unha maneira única de ser e descubrir o mundo. Unha historia chea de aventuras e desventuras que nos axudarán a comprender as circunstancias que rodean a Gale no día de hoxe, pero tamén a gran riqueza que supón contar con música, poemas, libros e canta cultura se creou e creará en galego.

Anya e Xiana son dúas nenas que viven separadas por catro mil km, pero unidas por todo o demais: sentimentos, ilusións, proxectos, ansia de felicidade…
Neste espectáculo, as dúas protagonistas descubrirannos as razóns polas que os mellores agasallos non se reciben, danse.
Unha obra baseada no conto orixinal de Sabela Núñez Singala que representamos con marionetas de distintas técnicas de manexo dentro dunha escenografía en continuo cambio.

Nesta noite de lúa chea imos descubrir que é un güe-güe, e para iso temos que atopar algo pequeno que estea a durmir.

Nome da compañía: Larei Lará Idades recomendadas: a partir de 3 anos Duración: 50 minutos Técnica: marionetas de mesa e actor Idioma: galego Sinopse Recreación da historia de Brancaneves con teatro, música en directo e marionetas de mesa talladas en madeira. A historia desenvólvese ao redor dunha gran lareira na que un vello rei lembra […]

Pancho é un neno que ama ler. Un día recibe unha visita inusitada: Pepino, unha criatura verde que se aparece no seu cuarto despois de saír do libro que está a ler. A partir dese momento, Pancho buscará un novo conto para Pepino. Atopará ao fin Pepino o seu propio conto?

Con vostedes, o exótico Fakir da India: Ravi Ghiringh; Karina Kurisha, que nos demostrará a súa habilidade para o bel canto e a súa capacidade transformista; o Fada Betelgeuse; The Boston Sisters, as dúas belezas xemelgas americanas que nos farán gozar cos seus belos exercicios sobre o trapecio e o arame; a inquietante flor carnívora Gastrum Silvis; o cachorro adestrado Pincho e a terrible bailarina voadora Mantis Relixiosa. E como artista invitado, o funambulista Frango. Todo iso presentado polo noso incomparable director de Pista Mario Net.

Manuel María quere que o titiriteiro represente os poemas que el escribiu para divertir aos nenos e nenas galegos.
Alicia vivirá unha serie de fantásticas aventuras por un mundo que lle resulta exótico, estraño e mesmo incomprensible. Alicia vai ter que descifrar as pistas para saber que diantres é Galicia e onde está agochada…