Últimas edicións

Programación, espectáculos, cursos…

Espectáculos 2018: Noa ¡¡¡Uy, uy, uy!!!

Noa ten dous anos. Durmiu en casa da avoa Krotxe e o avó Bombino. Cando esperta revive con eles os seus recordos filmados de xiras polo ancho mundo. A hora de comer transfórmase nunha opereta italiana que celebra o bo comer e o bo… o que vén logo. Despois hai que ordenar a sala… ordenando e desordenando xorden paisaxes extraordinarias: un mar marabilloso, gaivotas, quenllas, un peixe globo e unha balea. O barco de Noa pode voar e sobe moi alto, aventúrase polo espazo infinito e, flotando, flotando, chega a hora de durmir para Noa e os seus avós.
Ui, ui, ui!!! Que día tan estupendo!


Espectáculos 2018, Galicreques 2018, Últimas edicións |

Espectáculos 2018: El oso que no lo era

Cando o oso espertou dun longo soño todo ao seu arredor cambiara: o bosque, a herba, as árbores e as flores; todo desaparecera. Mentres el durmía, uns homes construíron unha gran fábrica no lugar onde estaba o bosque. Os directivos da empresa aseguran que o oso é un home e insisten en poñelo a traballar. Así comezan as aventuras de “O oso que non o era”. Un fermoso conto que nos fala da incapacidade de recoñecer ao outro na súa diferenza, pero tamén do enfrontamento entre o que chamamos progreso e a conservación da contorna ecolóxica.


Espectáculos 2018, Galicreques 2018, Últimas edicións |

Espectáculos 2018: ¿Quién soy?

Unha nena de grandes coletas e ollos expresivos tenta pescudar quen é. Por que teño que ser unha nena? Por que non podo ser unha flor ou unha bolboreta? Ánxela, a protagonista, non se conforma con que todos lle digan que é unha preciosa nena, ela ten que pescudalo.


Espectáculos 2018, Galicreques 2018, Últimas edicións |

Espectáculos 2018: En una canasta

Ela naceu de noite. Unha noite sen lúa. Ela non tiña berce. A súa mamá deixouna nunha canastra. Así comeza a súa viaxe. Ela deféndese coa graza do seu instinto e a coraxe da súa inxenuidade. A súa canastra lévaa por un río titiritesco, un monte cheo de animais e alguén que ninguén espera, o home coas súas armas. O río dá ao mar. Ela soa no infinito mar. El, un artesán vimbieiro, con mans trenzadoras, con historias para contar… Ela filla, el papá. Uns brazos que son berce, nunha noite con lúa.


Espectáculos 2018, Galicreques 2018, Últimas edicións |

Espectáculos 2018: Orellas de trapo

Aínda que se teñan orellas de trapo, pódense escoitar moitas cousas ao noso arredor.
Imos coñecer o mundo a través do noso entorno inmediato, dos nosos amigos dos contos. E eles vannos axudar a achegarnos aos demais e a coñecernos mellor a nós mesmos.


Espectáculos 2018, Galicreques 2018, Últimas edicións |

Espectáculos 2018: El Pirata Barba

Dende hai moito tempo o señor de Mirabet e o Pirata Barba enfróntanse polo mapa do tesouro. Dedican os seus días a perseguirse e facerse a vida imposible, ata que se dan conta dunha sorprendente realidade… Nas illas Columbretes revelarase este segredo e descubrirán o verdadeiro tesouro.


Espectáculos 2018, Galicreques 2018, Últimas edicións |

Espectáculos 2018: For+

Pupi é un neno pequeno que se mergulla nos seus soños levándonos con el ao mundo do xogo, dos seus garabatos que danzan e cantan ao ritmo da alegría e da cor. Este é unha viaxe cara á imaxinación de Pupi, onde todas as cousas poden ser posibles, cobrando vida para facernos sentir e soñar. Cando Pupi abre os ollos, algo no noso interior cambia, porque el somos todos!


Espectáculos 2018, Galicreques 2018, Últimas edicións |

Espectáculos 2018: Alforria

Alforria é un espectáculo en viaxe, onde o público poderá sorprenderse coa decisión de buscar unha vida máis feliz. Xica e Tiberio, traballadores incansables, viven escravizados pero, nos ollos de Silvestre, o simpático xavarincan, descubrirán que a amizade e a coraxe son os guías do corazón. Dentro e fóra do carro mostrarase a vida e o acto de vivir cara á liberdade.


Espectáculos 2018, Galicreques 2018, Últimas edicións |

Presentación Galicreques 2017

Do 14 ao 22 de outubro de 2017 celebramos en Santiago de Compostela a XXII edición do Festival Internacional Galicreques.


Galicreques 2017, Presentación Galicreques 2017, Últimas edicións |

Programación Galicreques 2017

Sábado 14 de Outubro 2017 13.00h Ruada. “Xigantes e cabezudos”. Alameda–Praza Toural-Praza Praterías-Praza Mazarelos 18.00h Títeres Larderos. “Historia de cómicos y titiriteros de Cuenca”. Fundación SGAE Domingo 15 de Outubro 2017 12.30h Fantoches Baj. “Os golfiños e o xigante”. Fundación SGAE 13.00h Ruada. “Xigantes e cabezudos”. Alameda-Praza Toural-Praza Praterías-Praza Mazarelos 18.00h Títeres Cachirulo. “Bala Perdida”. […]


Galicreques 2017, Programación Galicreques 2017, Últimas edicións |

Página 10 de 21« Primera...89101112...20...Última »