A presente mostra, e gran parte das obras que a compoñen, é o resultado dun extenso traballo de animación á lectura que a súa creadora leva desenvolvendo dende o ano 86, a través de diferentes programas e proxectos.

Moitas das pezas que aquí se recollen foron elaboradas ó longo de anos de adicación á narración oral para nenos concebido coa intención dun achegamento ó obxecto do libro baixo unha mirada máis aberta, animada e imaxinativa.

A viaxe a través desta obra intenta abrir unha porta ó fértil terreo da imaxinación.

 Anímar a todos os visitantes a que inventen as súas aventuras arredor destes máxicos libros e a que creen os seus propios.

Tanto á hora de crear e contar historias como á hora de plasmalas, a través das artes plásticas, sobre obxectos diversos.